ریاست گجرات : پٹاخوں کی فیکٹری دھماکے سے گونج اٹھی، 17 مزدور ہلاک 

احمد آباد:بھارتی ریاست گجرات میں پٹاخوں کی فیکٹری اور گودام دھماکے سےگونج اٹھیں جس کے نتیجےمیں 17 مزدور ہلاک جبکہ متعدد زخمی ہو گئے۔
بھارتی میڈیا کے مطابق گجرات کے ڈیسا میں پٹاخوں کی فیکٹری اور گودام میں دھماکے کے بعد خوفناک آگ لگنے سے 17 مزدور ہلاک ہو گئے۔
اس حوالے سے ڈسٹرکٹ کلکٹر مہر پٹیل کا کہنا ہےکہ آگ دیپک ٹریڈرز میں لگی جس سے افراتفری پھیل گئی اور فیکٹری کی سلیب گرنے سے ریسکیو آپریشن میں تعطل پیدا ہوا۔
ڈیسا میونسپلٹی کے فائر فائٹرز نے 108 ایمبولینس ٹیموں کے ساتھ جائے وقوع پر ریسکیو آپریشن کیا۔
انہوں  نے ابتدائی طور پر 6 ہلاکتوں کی اطلاع دی لیکن مرنے والوں کی تعداد بڑھ گئی ،جبکہ فائرفائٹرز نے آگ پر قابو پالیا اور ملبے کے نیچے دبے افراد کو تلاش کیا۔