پنجاب کے سرکاری اسکولوں میں موسم گرما کے اوقات کار کا نیا شیڈول جاری

لاہور:پنجاب کے سرکاری اسکولوں میں گرمیوں کے اوقات کار کا نیا ترمیم شدہ شیڈول جاری کردیا گیا ہے۔
اس حولے سے محکمہ اسکولز ایجوکیشن پنجاب پنجاب کی جانب سے ترمیم شدہ نوٹیفکیشن جاری کر دیا گیا ہے،۔
جاری کر دہ نوٹیفکیشن کے مطابق سرکاری اسکولوں کے نئے اوقات کار 7 اپریل سے 15 اکتوبرتک کے لئے ہوں گے۔
نوٹیفکیشن کے مطابق سنگل شفٹ اسکول ساڑھے 7 بجے سے دوپہر 1 بجے تک کھلے رہیں گے، جبکہ جمعہ کے روز اسکولوں میں ساڑھے 11 بجے چھٹی ہوا کرے گی۔
اسی طرح ڈبل شفٹ اسکولوں کے اوقات کار صبح ساڑھے 7 بجے سے دوپہر 12 بجے تک ہوں گے، جمعہ کے دن چھٹی ساڑھے 11 بجے ہوا کرے گی۔
سیکنڈ شفٹ اسکول دوپہر 12 بجے سے شام ساڑھے 4 بجے تک جاری رہیں گے،جبکہ جمعہ والے دن یہ اسکول دوپہر ڈھائی بجے شروع ہوں گے۔
جاری نوٹیفکیشن کے مطابق اسکولوں میں اساتذہ سوا 7 بجے سے ڈیڑھ بجے تک موجود رہیں گے۔