امریکی سینیٹر کوری بُکر کی ٹرمپ کیخلاف ریکارڈ ساز 24 گھنٹے سے زائد دورانیے کی تقریر

 واشنگٹن:امریکی سینیٹر کوری بُکر نے مسلسل 24 گھنٹوں سے زائد تقریر کرنے کا نیا ریکارڈ قائم کر دیا۔
امریکہ کے ڈیموکریٹک سینیٹر اور صدارتی امیدوار بننے کے سابق خواہش مند کوری بُوکر نے ٹرمپ انتظامیہ کی پالیسیوں کے خلاف احتجاج کے طور پر ایک طویل ترین تقریر کی۔
انہوں نے اپنی تقریر 31 مارچ کو شام 7 بجے شروع ہوئی اور اگلے دن رات گئے تک جاری رہی، سینیٹر کوری بُکرنے ٹرمپ انتظامیہ کے اقدامات اور فیصلوں پرسخت تنقید کی۔
ریاست نیو جرسی سے تعلق رکھنے سینیٹر کوری بُکر نے تقریر کا آغاز کیا تو انہوں نے کہا کہ جب تک جسمانی طور پر قابل ہوں تقریر جاری رکھوں گا۔
ڈیموکریٹک رکن کوری بوکر ٹرمپ انتظامیہ کی پالیسیوں کوایک ایک کرکے نشانہ بنارہےہیں، ان کا کہنا ہے کہ یہ ہماری قوم کے لیے عام حالات نہیں، امریکی عوام اورامریکی جمہوریت کوسنگین اورفوری خطرات لاحق ہیں، جمہوریت کےتحفظ کے لیے ہم سب کو اقدامات کرنا ہوں گے۔
سینیٹر کوری بُوکر کے پاس صفحات کا پلندہ ہے جو سینیٹر کے مطابق ان کے حلقے کے عوام کے خطوط ہیں جنہیں وہ پڑھ کر عوام کے تحفظات اور خدشات سے امریکا کو آگاہ کررہے ہیں۔
خیال رہےکہ اس سے قبل 24 گھنٹے18 منٹ طویل ترین تقریر کا ریکارڈ سٹرام تھرمنڈ کا تھا، سٹرام تھرمنڈنے 1957 میں امریکی سینیٹ میں طویل ترین تقریر کا ریکارڈ بنایا تھا۔