ہم پروفیشنل کرکٹرز ہیں بہانے نہیں بنا سکتے،شکست کے بعد محمد رضوان کا بیان

ہملٹن: قومی ٹیم کے کپتان محمد رضوان نے بدھ کو سیڈن پارک میں تین میچوں کی سیریز کے دوسرے ون ڈے میں شکست کے بعد اپنے خیالات کا اظہارکرتے ہوئے کہا کہ ہم پروفیشنل کرکٹرز ہیں بہانے نہیں بنا سکتے۔
میچ کے بعد کی پریزنٹیشن میں محمد رضوان نے اپنی ٹیم کو درپیش چیلنجوں کا اعتراف کرتے ہوئے کہا، "یہ تکلیف دہ ہے لیکن یہ کھیل کا حصہ ہے۔
پریس بریفینگ میں کپتان محمد رضوان نے کہا ہے کہ ہمیں کچھ مختلف کرنے کی ضرورت ہے،ان کا مزید کہناتھا کہ ہار جیت کھیل کا حصہ ہے، ہم نے اچھی کارکردگی کا مظاہرہ نہیں کیا، محمد رضوان نے کہا کہ نیوزی لینڈ کی کنڈیشنز اچھی نہیں ہیں، نیوزی لینڈ نے بہت اچھی باؤلنگ کا مظاہرہ کیا، فہیم اشرف اور نسیم شاہ نے اچھی کوشش کی۔
انہوں نے کہا نیوزی لینڈ ہمارے لیے مشکل کنڈیشن ہے، ہم پروفیشنل کرکٹرز ہیں بہانے نہیں بنا سکتے، انہوں نے کہا کہ ہمیں کچھ مختلف کرنے کی ضرورت ہے۔
انہوں نے نیوزی لینڈ کے ڈسپلن باؤلنگ اٹیک کی بھی تعریف کی۔ رضوان نے کہا کہ نیوزی لینڈ کے باؤلرز بہت نظم و ضبط کے ساتھ تھے انہوں نے ہارڈ لینتھ پر گیند کی۔ان کا کہنا تھا کہ نیوزی لینڈ کے باؤلرز نے ہارڈ لینتھ پر باؤلنگ کی، پہلے پاور پلے میں باؤلنگ او ربیٹنگ میں اچھی کارکردگی کا مظاہرہ نہیں کر سکے۔
 گزشتہ دو مہینوں میں ہم نے اہم لمحات ضائع کیے ہیں۔ آج ہم نے پہلے 10 اوورز میں گیند یا بلے سے اچھی کارکردگی کا مظاہرہ نہیں کیا۔ 
خیال رہے کہ آج سیڈن پارک میں کھیلے جانے والے سیریز کے دوسرے میچ میں نیوزی لینڈ نے پاکستان کو 84 رنز سے شکست دے کر ٹی ٹوئنٹی سیریز کے بعد ون ڈے سریز بھی اپنے نام کر لی۔