100 سے زائد فلموں میں کام کرنیوالے نامور بالی وڈ اداکار چل بسے

چنئی:100سے زائد  تامل اور ملیالم فلموں میں کام کرنے والے بھارت کے سینیئر اداکار روی کمار مینن 71 برس کی عمر میں انتقال کر گئے۔
انڈین میڈیا رپورٹس کے مطابق اداکار روی کمار کافی عرصے سے کینسر کے مرض میں مبتلا تھے،ان کا انتقال جمعہ کی صبح چنئی کے ایک نجی اسپتال میں ہوا، اہل خانہ کی جانب سےنے ان کے انتقال کی تصدیق کر دی گئی ہے۔
 جیسے ہی یہ خبر سامنے آئی، سوشل میڈیا پر ان کے مداحوں نے گہرے دکھ اور تعزیت کا اظہار کیا۔
نامور روی کمار نے اپنے فلمی کیریئر کا آغاز 1967 میں کیا، تاہم 1976 میں ایم کرشنن نائر کی ملیالم فلم ’’امّاں‘‘ سے انہیں اصل شہرت ملی۔ 
بھارتی میڈیا کے مطابق روی کمار نے 100 سے زائد ملیالم اور تامل فلموں کے ساتھ کئی ٹی وی سیریلز میں بھی کام کیا۔
روی کمار کی آخری رسومات ہفتہ کو چنئی میں ان کی رہائش گاہ پر ادا کی جائیں گی، جہاں ان کے عزیز و اقارب، مداح اور ساتھی فنکار انہیں ہمیشہ کے لیے الوداع کہیں گے۔
 مداحوں نے روی کمار کی فنی خدمات کو خراجِ تحسین پیش کرتے ہوئے انہیں ایک "ہمیشہ یاد رہنے والا اداکار" قرار دیا۔