عالمی میڈیا کے بعد فرانس نے بھارتی رافیل تباہ ہونے کی تصدیق کر دی

پیرس: عالمی میڈیا کے بعد فرانس نے بھارتی فضائیہ کے زیر استعمال رافیل طیارہ تباہ ہونے کی تصدیق کر دی۔
فرانسیسی انٹیلیجنس اہلکار نےامریکی نشریاتی ادارے سی این این کو انٹرویو دیتے ہوئے بھارتی ائیر فورس کے زیر استعمال فرانسیسی ساختہ رافیل جیٹ طیاروں کے تباہ ہونے کی تصدیق کر دی ہے۔
 فرانسیسی اہلکار کے بیان کے مطابق یہ پہلا موقع ہے جب کسی جنگ میں رافیل طیارہ تباہ ہوا ہے۔

رپورٹ میں یہ بھی بتایا گیا ہے کہ پاکستانی حکام نے دعویٰ کیا ہے کہ انہوں نے بھارتی فضائیہ کے پانچ طیارے مار گرائے، جن میں سے تین رافیل تھے۔ فرانسیسی حکام اس بات کی بھی تحقیقات کر رہے ہیں کہ آیا ایک سے زیادہ رافیل طیارے گرائے گئے ہیں یا نہیں۔
دوسری جانب رافیل طیارے تیار کرنے والی فرانسیسی کمپنی ڈسالٹ ایوی ایشن (Dassault Aviation) کی جانب سے اس حوالے سے تاحال کوئی ردعمل یا وضاحت سامنے نہیں آئی۔