پاک فوج نے 6 اور 7 مئی کی درمیانی شب بھارتی جارحیت میں شہید افسران اور شہریوں کی تفصیلات جاری کر دی
بھارتی جارحیت کے نتیجے میں 40 پاکستانی شہری سمیت 11 فوجی جوان شہید ہوئے ، آئی ایس پی آر


پاک فوج نے 6 اور 7 مئی 2025 کی درمیانی شب بھارت کی مسلح افواج کی جانب گئی جارحیت میں شہداء اور زخمیوں کی تعداد بتا دی ہے، جن میں متعدد فوجی جوان بھی شامل ہیں۔
پاک فوج کے شعبہ تعلقات عامہ (آئی ایس پی آر) کی جانب سے کجاری بیان میں کہا گیا ہے کہ 6 اور 7 مئی 2025 کی درمیانی شب بھارت کی مسلح افواج نے بلااشتعال، قابلِ مذمت اور بزدلانہ حملے کرتے ہوئے نہتے پاکستانی شہریوں کو نشانہ بنایا۔ ان سفاکانہ حملوں میں خواتین، بچے اور بزرگ نشانہ بنے۔
آئی ایس پی آر کے مطابق بھارتی جارحیت کے نتیجے میں 40 پاکستانی شہری شہید ہوئے جن میں 7 خواتین اور 15 بچے شامل ہیں، جب کہ 121 افراد زخمی ہوئے جن میں 10 خواتین اور 27 بچے بھی شامل ہیں۔
بیان کے مطابق پاکستانی مسلح افواج نے اس سنگین جارحیت کا منہ توڑ جواب دیتے ہوئے ”معرکۂ حق“ کے تحت بھرپور جوابی کارروائی کی، جس کا نام ”آپریشن بنیان مرصوص“ رکھا گیا۔ ان کارروائیوں میں دشمن کو ٹھوس اور ٹھیک نشانہ بناکر بھاری نقصان پہنچایا گیا، اور پاکستان نے اپنی دفاعی صلاحیت کا بھرپور مظاہرہ کیا۔
آئی ایس پی آر کا کہنا ہے کہ وطنِ عزیز کا دفاع کرتے ہوئے 11 پاکستانی فوجی جوان شہید ہوئے اور 78 زخمی ہوئے۔ یہ جوان قوم کے ماتھے کا جھومر ہیں جنہوں نے جرأت، وفاداری اور بے مثال قربانی کا مظاہرہ کرتے ہوئے جامِ شہادت نوش کیا۔
پاک فوج کے شہداء:
نائیک عبد الرحمٰن
لانس نائیک دلاور خان
لانس نائیک اکرام اللہ
نائیک وقار خالد
سپاہی محمد عدیل اکبر
سپاہی نثار
پاک فضائیہ کے شہداء:
اسکواڈرن لیڈر عثمان یوسف
چیف ٹیکنیشن اورنگزیب
سینیئر ٹیکنیشن نجیب
کارپورل ٹیکنیشن فاروق
سینیئر ٹیکنیشن مبشر
قوم ان شہداء کو خراج عقیدت پیش کرتی ہے جن کی قربانی ہمیشہ یاد رکھی جائے گی۔ ان کی جرأت اور حب الوطنی پاکستان کے دفاع کی علامت بن چکی ہے۔
آئی ایس پی آر کا کہنا ہے کہ پاکستان کی مسلح افواج اور پوری قوم شہید شہریوں اور فوجی اہلکاروں کو خراجِ تحسین پیش کرتی ہے اور زخمیوں کی جلد صحت یابی کے لیے دعا گو ہے۔ قوم کسی بھی جارحیت کے سامنے سیسہ پلائی دیوار بنی کھڑی ہے۔ اگر آئندہ کبھی پاکستان کی خودمختاری یا سرحدی سالمیت کو چیلنج کیا گیا تو دشمن کو فی الفور، ہمہ جہت اور فیصلہ کن جواب دیا جائے گا۔

معروف اسٹیج اداکارہ زارا خان پر عائد پابندی ختم کر دی گئی
- 37 منٹ قبل

پنجاب حکومت کا اشیاء کی قیمتوں پر قابو پانے کیلئے نئی وزارت تشکیل دینے کا فیصلہ
- 2 گھنٹے قبل

خیبر پختونخوا میں تعلیمی انقلاب، وزیر اعلی نے علم پیکٹ پروگرام کا اجرا کر دیا
- 33 منٹ قبل

کراچی: ایف آئی اے کی کارروائی، غیرقانونی طور بیرون ملک جانے والے 7 مسافرایئرپورٹ سےآف لوڈ
- 11 منٹ قبل

گلگت بلتستان:لاپتہ جرمن خاتون کوہ پیما جانبر نا ہو سکی، موت کی تصدیق
- 2 گھنٹے قبل

یو اے ای میں اگست 2025 کیلئے پیٹرول اور ڈیزل کی نئی قیمتوں کا اعلان
- 3 گھنٹے قبل

موسمیاتی تبدیلی پاکستان کے لیے بڑا چیلنج: بارشوں کے پیٹرن میں نمایاں تبدیلیاں اور اثرات
- 2 گھنٹے قبل

سونے کی قیمت میں ہزاروں روپے کی کمی ،فی تولہ کتنے کا ہو گیا؟
- 44 منٹ قبل

پاک بھارت کشیدگی:پاکستان کی امن کی خواہش کو ہرگز کمزوری نہ سمجھا جائے، عطا تارڈ
- 2 گھنٹے قبل

جسٹن ٹروڈو اور کیٹی پیری کے درمیان ڈیٹنگ کی افواہیں، تصویریں منظر عام پر آگئیں
- 2 گھنٹے قبل

جمہوریت کا افسوسناک دن، ایوان میں رہنے یا بائیکاٹ کا فیصلہ جلد کریں گے ، بیرسٹر گوہر
- 3 گھنٹے قبل

عوام کے لیے اچھی خبر ،ایل پی جی کی قیمتوں میں بڑی کمی،نوٹیفکیشن جاری
- 19 منٹ قبل