فلائی دبئی نے پشاور ائیر پورٹ سے آپریشن کا آغاز کر دیا

پشاور: متحدہ عرب امارات(یو اے ای) کی ایئر لائن فلائی دبئی نے پشاور کے باچا خان انٹرنیشنل ایئرپورٹ سے آپریشن کا آغاز کر دیا ہے۔
پاکستان ائیرپورٹس اتھارٹی نے کہا ہے کہ متحدہ عرب امارات کی ائیر لائن فلائی دبئی پشاور کے باچا خان انٹرنیشنل ائیر پورٹ سے آپریشن کا آغاز کر دیا ہے۔
پاکستان ائیرپورٹس اتھارٹی نے کہا کہ فلا ئی دبئی کی پہلی پرواز جمعرات کی رات کو 164 مسافروں کو لے کر پشاور پہنچی، باچا خان ایئرپورٹ پر فلائی د بئی کی پرواز کو واٹر کینن سلامی دی گئ، جبکہ اس موقع پر کیک کاٹنے کی تقریب بھی ہوئی۔
 متحدہ عرب امارات کی ائیر لائن ہفتے میں 7 فلائٹس آپریٹ کرے گی، جس سے پشاور سے خلیجی و یورپی ممالک کیلئے فضائی روابط میں توسیع ہو گی۔
فلائی دبئی کی پرواز ایف زی 375 جمعرات کی رات گئے 2 بج کر 20 منٹ پر 184 مسافروں کے ساتھ واپس دبئی روانہ ہوئی۔