وزیر اعلیٰ مریم نواز نے صوبے میں پیدائش اور اموات رجسٹریشن فیس ختم کر دی

لاہور: وزیراعلیٰ مریم نواز شریف نے صوبے میں پیدائش اور اموات رجسٹریشن فیس ختم کر دی۔
تفصیلات کے مطابق پنجاب میں برتھ و ڈیتھ رجسٹریشن رولز 2025 نافذ کر دیا گیاہے جس کے بعد برتھ اور ڈیتھ رجسٹریشن فیس ختم ہو گئی۔
 اب پنجاب بھر میں برتھ اور ڈیتھ کی رجسٹریشن بغیر فیس کے کرائی جاسکے گی۔
وزیر اعلیٰ پنجاب مریم نواز کی ہدایت پر برتھ اور ڈیتھ کمپیوٹرائزڈ سرٹیفکیٹ بھی مفت جاری ہو گا۔ جبکہ شہری یونین کونسل اور میونسپل کمیٹی میں 7 سال تک بلامعاوضہ اندراج کراسکتے ہیں۔
اسی طرح پنجاب میں برتھ اور ڈیتھ کی لیٹ رجسٹریشن پر کورٹ ڈگری کی شرط بھی ختم کر دی گئی۔
وزیر اعلیٰ پنجاب مریم نواز نے کہا ہے کہ شناخت ہر شہری کا بنیادی حق ہے اور شہریوں کے لیے آسانیاں پیدا کرنا چاہتے ہیں،انہوں نے کہا کہ سروسز کے حصول کے لیے ڈیتھ اور برتھ ڈیجیٹل سرٹیفکیٹ لازم ہے۔
 جبکہ برتھ اور ڈیتھ کا بروقت اندراج کروا کے شہری حقوق کا تحفظ یقینی بنا سکتے ہیں۔