سابق وزیر خزانہ و سینئر سیاستدان کمال الدین اظفر انتقال کر گئے

کراچی: سابق وزیر خزانہ و گورنر سندھ کمال الدین اظفر طویل علالت کے بعد کراچی میں انتقال کر گئے۔ وہ طویل عرصے سے ملکی سیاست اور قانون کے شعبے میں فعال کردار ادا کرتے رہے۔
مرحوم کمال الدین اظفر نے 1970 میں پاکستان پیپلزپارٹی میں شمولیت اختیار کی اور پارٹی کے وفادار کارکن کے طور پر پہچانے گئے۔ وہ دو بار سینیٹ کے رکن منتخب ہوئے اور سندھ کے وزیر خزانہ اور بعد ازاں گورنر سندھ کے اہم عہدوں پر فائز رہے۔
ان کےانتقال پر وزیر اعلیٰ سندھ سید مراد علی شاہ نے گہرے دکھ کا اظہار کرتے ہوئے انہیں ایک ہوشیار اور تجربہ کار سیاستدان قرار دیا اور کہا کہ ان  کی خدمات کو ہمیشہ یاد رکھا جائے گا۔
1930 میں پیدا ہونے والے کمال اظفر ایک قانونی ماہر بھی تھے اور انہوں نے آئینی قانون اور گورننس پر کئی کام تصنیف کیے، ان کے ساتھی اکثر انہیں پاکستان کے سیاسی اور قانونی فریم ورک کی گہری سمجھ رکھنے والے ایک "نرم سیاستدان" کے طور پر کہتے تھے۔