ایلون مسک کی امریکی صدر ڈونلڈ ٹرمپ کے ٹیکس کٹوتی اخراجات بل پر شدید تنقید

ایلون مسک نے امریکی صدر ڈونلڈ ٹرمپ کے ٹیکس کٹوتی اخراجات بل پر شدید تنقید کی ہے۔

رپورٹ کے مطابق ایلون مسک نے کہا کہ کٹوتی اور اخراجات کا بل امریکی صدر کا گھناؤنا اور مکروہ فعل ہے، ٹرمپ کے کٹوتی اور اخراجات بل کو مزید برداشت نہیں کرسکتا۔

ایلون مسک نے ایکس پر پیغام میں مزید لکھا کہ جنھوں نے اس بل کے حق میں ووٹ دیا انہیں شرم آنی چاہیے۔

خیال رہے چند روز قبل ایلون مسک نے ٹرمپ انتظامیہ کو خیرباد کیا ہے۔ صدر ٹرمپ نے انہیں سرکاری اخراجات میں کمی کے ادارے کی اہم ذمہ داریاں تفویض کی تھیں۔