وفاقی بجٹ:بینظیر انکم سپورٹ پروگرام کے لیے 716 ارب روپے مختص کرنے کی تجویز

اسلام آباد: وفاقی حکومت کی جانب سے پیش کردہ نئے مالی سال 26-2025 کے بجٹ میں بینظیر انکم سپورٹ پروگرام (بی آئی ایس پی)کے لیے 716 ارب روپے مختص کرنے کی تجویز دی ہے۔

وزیر خزانہ محمد اورنگزیب نے بجٹ تقریر کے دوران بتایا کہ نئے مالی سال میں اس پروگرام کے تحت بجٹ میں21 فیصد کا اضافہ کیا گیا ہے۔

انھوں نے کہا کہ حکومت اس پروگرام کی کوریج بڑھانا چاہتی ہے اور کفالت پروگرام کو ایک کروڑ افراد تک پہنچایا جائے گا۔

انھوں نے مزید کہا کہ تعلمی وظائف کو مزید وسعت دی جائے گی تاکہ ایک کروڑ بیس لاکھ بچوں کو فائدہ پہنچایا جا سکے۔