بجٹ: قومی اسمبلی کیلئے 16 ارب،اراکین کی تنخواہوں اور الاؤنسز کیلئے 5 ارب مختص کرنے کی تجویز

اسلام آباد: نئے وفاقی بجٹ میں قومی اسمبلی کیلئے 16 ارب 29 کروڑ روپے جبکہ اراکین اسمبلی کی تنخواہوں اور الاؤنسز کیلئے 5 ارب 8 کروڑ روپے مختص کرنے کی تجویز دی گئی ہے۔

بجٹ دستاویزات کے مطابق اسپیکر اور ڈپٹی اسپیکر آفسز کیلئے 39 کروڑ 34 لاکھ روپے کا بجٹ رکھنے کی تجویزہے،اسی طرح قائد حزب اختلاف کے دفتر کیلئے 8 کروڑ 34 لاکھ روپے کا بجٹ رکھنے کی تجویز ہے۔

اس کے علاوہ کشمیر کمیٹی کیلئے 20 کروڑ روپے،قائمہ کمیٹی کے چیئرمینوں کیلئے 2 ارب 15 کروڑ روپے کا بجٹ رکھنے کی تجویزہے۔

خیال رہے کہ پچھلے سال  اراکین اسمبلی کیلئے 2 ارب 90 کروڑ روپے کا بجٹ رکھا گیا تھا۔