قومی اسمبلی کےبعد سینیٹ میں بھی نئے مالی سال کا بجٹ پیش

اسلام آباد:قومی اسمبلی کے بعد سینیٹ میں بھی نئے مالی سال 2025-26 کا بجٹ پیش کردیا گیا۔

تفصیلات کے مطابق سینیٹ کا اجلاس چیئرمین سید یوسف رضا گیلانی کی زیر صدارت ہوا،جس میں وزیر خزانہ محمد اورنگزیب نے فنانس بل پیش کیا۔ 
اس دوران پی ٹی آئی سینیٹرز نشستوں پر کھڑے ہو گئے اور احتجاج کیا،پی ٹی آئی سینیٹرز نے ڈیسک بجائے اور حکومت اور بجٹ مخالف نعرے لگائے۔

اپوزیشن اراکین نے جعلی بجٹ اور جعلی حکومت نامنظور کے نعرے لگائے اور کسانوں کا قتل، تنخواہ دار طبقے کا قتل کے نعرے لگائے۔ 

چیئرمین سینیٹ نے فنانس بل قائمہ کمیٹی برائے خزانہ کو بھیج دیا اور سینیٹرز سے بجٹ سفارشات جمعرات تک مانگ لیں۔

بعدازاں سینیٹ کا اجلاس جمعہ ساڑھے دس بجے تک ملتوی کر دیاگیا۔