احمد آباد : میڈیکل کالج کے ہوسٹل پر طیارہ گرنےسے 75 طالب علم ہلاک،مجموعی تعداد 315 ہو گئی

احمدآباد: بھارتی ریاست گجرات کے شہر احمد آبادمیں میڈیکل کالج کے ہوسٹل کی چھت پر’ ایئر انڈیا‘ کا مسافر طیارہ گر کر تباہ ہوگیا، طیارے میں سوار عملے کے12 ارکین سمیت 241 افراد ہلاک ہوگئے تا ہم ایک مسافر معجزانہ طور پر بچ گیا۔

احمد آباد پولیس کے مطابق طیارہ ہاسٹل پر گرا تھا،جس کی وجہ سے طیارے میں سوار افراد کے علاوہ بھی متعدد افراد ہلاک ہوگئے،جس سے ہلاکتوں کی مجموعی تعداد 315 سے تجاوز کر گئی ۔

بھارتی میڈیا رپورٹس کے مطابق ایئرانڈیا کی فلائٹ نمبر اے آئی 171 بھارتی ریاست گجرات کے احمد آباد ایئرپورٹ سے لندن (برطانیہ) کیلئے روانہ ہوئی تھی، حادثہ ٹیک آف کے دوران پیش آیا، طیارے میں دو پائلٹ اور عملے کے 10 ارکان سمیت 242 افراد سوار تھے۔

میڈیا کے مطابق ائیر انڈیا کی پرواز اے آئی 171 احمد آباد ائیرپورٹ سے روانگی کے وقت 322 کلومیٹر فی گھنٹہ کی رفتار سے محض 625 فٹ اوپر اڑ سکی اور پھر ٹیکنیکل طور پر گرکر تباہ ہوگئی،فلائٹ ریڈار کے مطابق اڑان بھرنےکے بعد ایک منٹ سے بھی کم وقت میں625 فٹ کی بلندی پر طیارے سے رابطہ منقطع ہو گیا تھا۔

اس حوالے سے بھارتی ڈی جی سول ایوی ایشن کا کہنا ہےکہ طیارہ گرنے سے قبل ایک بج کر39 منٹ پرکیپٹن نے مے ڈے کی کال دی، حادثے کا شکار بوئنگ 787  طیارہ 11 سال پرانا تھا۔

بھارتی میڈیا کا بتانا ہےکہ حادثےکا شکار طیارے میں 169 بھارتی شہری، 53 برطانوی، ایک کینیڈین اور 7 پرتگالی شہریوں سمیت 11 بچے بھی موجود تھے۔
بھارتی میڈیا کا بتانا ہےکہ حادثہ بھارتی وقت کے مطابق 1 سے 2 بجے کے درمیان پیش آیا، حادثے کے بعد احمد آباد ائیر پورٹ پر فلائٹ آپریشن بند کردیا گیا جب کہ اسپتالوں میں ایمرجنسی نافذ کردی گئی۔ 

بھارتی ڈی جی سول ایوی ایشن کا کہنا ہےکہ طیارہ گرنے سے قبل ایک بج کر39 منٹ پرکیپٹن نے مے ڈے کی کال دی، حادثے کا شکار بوئنگ 787  طیارہ 11 سال پرانا تھا۔