اسرائیل کے ایران پر دوبارہ حملے شروع،تبریز ائیرپورٹ اور جوہری تنصبیات نشانے پر

اسرائیل نے ایران کے شہر تبریز اور نطنز یورینیم افزودگی کی تنصیب پر پھر حملے شروع کر دیئے۔
 تفصیلات کے مطابق اسرائیل  نے  ایران پر ایک اور حملہ کر دیا ، تبریز ایئرپورٹ کے قریب دھماکوں کی آوازیں سنی گئی  ہیں ،ایئرپورٹ کے قریب دھماکوں کے بعد دھوئیں کے کالے بادل فضا میں بلند ہوگئے۔
ایرانی میڈیا کے مطابق اسرائیل نے تبریز کے ملٹری ائیر پورٹ کو نشانہ بنایا ، اس کے علاوہ نطنز یورینیم افزودگی کی تنصیب پر بھی دوبارہ میزائلوں سے حملہ کیا۔
دوسری جانب ایرانی شہریوں نے مشہد اور قم سمیت مختلف شہروں میں اسرائیلی جارحیت کیخلاف مظاہرے کئے، جس میں مظاہرین نے ایرانی حکومت سے اسرائیلی حملوں کا بھرپور جواب دینے کا مطالبہ کیا۔
خیال رہے کہ اس سے قبل اسرائیل نے تہران سمیت کئی علاقوں پر فضائی حملے کئے تھے جس میں ایران کے فوجی کمانڈرز اور جوہری سائنسدان شہید ہو گئے تھے۔
علاوہ ازاں تہران کے رہائشی علاقے پر اسرائیلی حملے میں خواتین اور بچوں سمیت 5 افراد شہید جبکہ 100 کے قریب زخمی ہونے کی اطلاعات آئی تھیں۔