ایران کے ساتھ کشیدگی،اسرائیل کا دنیا بھرمیں اپنے سفارت خانے بند کرنے کا فیصلہ

تل ابیب:ایران کے ساتھ جاری جنگ کے باعث اسرائیل نے دنیا بھر میں اپنے سفارت خانے بند کر دیئے۔

غیر ملکی خبر رساں ایجنسی کے مطابق اسرائیلی سفارتخانے نے کہا ہے کہ حالیہ حالات کے پیش نظر دنیا بھر میں اسرائیلی مشنز بند کر دیئے جائیں گے۔

اس حوالے سے جرمنی میں اسرائیلی سفارتخانے نے کہا کہ اسرائیلی قونصلر خدمات فراہم نہیں کرے گا، اور اسرائیلی شہری اگر کسی جارحانہ عمل کا سامنا کریں تو مقامی سیکیورٹی اداروں سے تعاون کریں۔

غیر ملکی میڈیا کے مطابق اعلان کے مطابق اسرائیلی سفارت خانے غیر معینہ مدت تک بند رہیں گے۔

دوسری جانب امریکی صدر نے ایران کو دھمکی دیتے ہوئے کہا ہے کہ وہ جلد معاہدہ کرے ورنہ اگلی دفعہ ایران پر مزید خطرناک حملے ہونگے۔

ٹرمپ نے مزید کہا کہ ایران کو بار بار ڈیل کرنے کا موقع دیا، اس سے پہلے کہ کچھ نہ بچے ایران ڈیل کر لے۔