فیلڈ مارشل سید عاصم منیر کی چینی وزیراعظم لی چیانگ سے غیر رسمی ملاقات

بیجنگ: آرمی چیف و چیف آف ڈیفنس فورسز فیلڈ مارشل سید عاصم منیر کی چین کے وزیراعظم لی چیانگ کے ساتھ غیر رسمی ملاقات ہوئی۔ 

تفصیلات کے مطابق فیلڈ مارشل اور چینی وزیر اعظم کے درمیان یہ ملاقات عظیم عوامی ہال(گریٹ پیپلزہا ل )  میں منعقدہ پُروقار استقبالیہ تقریب کے دوران ہوئی۔

اس موقع پر چینی وزیراعظم لی چیانگ نے گرمجوشی سے فیلڈ مارشل سید عاصم منیر کے ساتھ مصافحہ کیا جبکہ دونوں رہنماؤں کے درمیان تبادلہ خیال بھی ہوا۔

واضح رہے کہ فیلڈ مارشل سید عاصم منیر اس وقت وزیراعظم شہباز شریف کے ہمراہ چین کے دورے پر موجود ہیں۔