ایران امریکا مذاکرات:فیلڈ مارشل عاصم منیر کی ثالثی کردار کا عالمی سطح پر اعتراف

ویب ڈیسک:فیلڈ مارشل عاصم منیر کی ثالثی کردار کا عالمی سطح پر اعتراف کرلیا گیا ہے۔

تفصیلات کے مطابق امریکی ٹی وی نے دعویٰ کیا ہے کہ فیلڈ مارشل کے تہران دورے نے مذاکرات کو نتیجے تک پہنچانے میں کلیدی کردار ادا کیا۔ مشرق وسطیٰ کی موجودہ صورتحال میں پاکستان ہی مسودے کو حتمی شکل میں لانے میں کامیاب ہوا۔

رپورٹ کے مطابق فیلڈ مارشل کی تہران سے واپسی پر مجوزہ مسودہ ایرانی اور امریکی قیادت کو جائزے کیلئے بھیجا گیا۔

امریکی ٹی وی نے دعویٰ کیا ہے کہ فیلڈ مارشل کو امریکا اور ایران دونوں کا اعتماد حاصل ہے۔ پاکستان کی سیاسی اور عسکری قیادت کی ہم آہنگی ثالثی کا بنیادی عنصر ہیں۔ صدر ٹرمپ فیلڈ مارشل عاصم منیر کو ''مائی فیورٹ فیلڈ مارشل'' قرار دے چکے ہیں۔ پاکستانی حکومت، فیلڈمارشل فریقین میں خلیج کم کرنے میں اہم کردار ادا کرچکے۔