رواں سال عید الاالضحیٰ پر تین لالی وڈ فلمیں سینما گھروں کی زینت بنیں گی

ویب ڈیسک:(عبد السلام علی) عید الاالضحیٰ پر اس مرتبہ لالی وڈ کی تین فلمیں سینما گھروں کی زینت بنیں گے، فہد مصطفیٰ، مہوش حیات، فرحان سعید، اداکارہ میرا اور لیجنڈ شان شاہد منفرد کرداروں میں جلوہ گر ہوں گے۔

تفصیلات کے مطابق اس سال عید پر پاکستان کی  پہلی ہارر ذومبی فلم ’’ذومبیڈ‘‘ بھی  دھوم مچانے کیلئے تیار ہے، علاوہ ازاں سائیکو ، لو دی سوں اور ریلیز ہوں گی جن میں سٹار کاسٹ خوب جلوے بکھیرے گی۔

عید پر ریلیز ہونیوالی فلم سائیکو کی نمایاں کاسٹ میں اداکار شان شاہد، اداکارہ میرا، نیئر اعجاز،سونیا حسین اور دیگر شامل ہیں۔ فلم میں اداکارہ میرا طویل عرصہ بعد ایک منفرد کردار میں جلوہ گر ہوں گی،، فلم کے ڈائریکٹر خودشان شاہد ہیں۔ 

اسی طرح پاکستان کی پہلی ہارر ذومبی فلم ذومبیڈ بھی پردہ اسکرین پر دھوم مچانے کیلئے تیار ہے،، نمایاں کاسٹ  میں اداکار فہد مصطفیٰ،اداکارہ مہوش حیات، بابر علی اور دیگر شامل ہیں۔ ہدایتکار نبیل قریشی کے مطابق فلم کی کافی ڈیمانڈ تھی جسے نوجوان نسل کی پسند کے مطابق تیار کیا گیا ہے۔

علاوہ ازاں اداکار فرحان سعید اور اداکارہ مامیا شاہ جعفر کی فلم لو دی سوں بھی شائقین کو متوجہ کرنے کی کوشش کرے گی،مامیا شاہ جعفر کی یہ پہلی فلم ہے جبکہ فرحان سعید چار سال بعد جلوہ گر ہوں گے۔

فلم کی دیگر کاسٹ میں سوشل میڈیا سٹار رانا اعجاز، تبریز خان اور بابر علی شامل ہیں،، اسکے علاوہ چند غیر ملکی فلمیں بھی ریلیز ہوں گی۔