اسرائیلی وزیراعظم نے تہران پربڑےحملےکی دھمکی دیدی

جلد طیارے تہران کی فضاؤں میں ہوں گے،اسرائیلی وزیراعظم نے ایران کوبڑےحملےکی دھمکی دیدی۔

اسرائیلی وزیراعظم نیتن یاہو نےویڈیو پیغام میں کہا کہ ایران کو ایسا جواب دیں گے جس کا ان کی قیادت نے تصور  بھی نہیں کیا ہوگا اور آیت اللہ حکومت ہر جگہ نشانہ ہوگی۔ایران پر اسرائیل کے حملوں کو امریکی صدر ڈونلڈ ٹرمپ کی مکمل حمایت حاصل ہے۔

اسرائیلی وزیردفاع نے بھی حملے نہ روکنے کی صورت میں ایران کو  جلا کر راکھ کرنے کی دھمکی دی ہے۔ اُدھر اسرائیلی میجر جنرل ٹومر بار نے بتایا کہ  اسرائیلی فضائیہ کی مکمل منصوبہ بندی کے تحت تہران پر  حملے جاری رہیں گے۔

واضح رہے کہ گزشتہ روز اسرائیل نے ایران کے مختلف شہروں پر حملہ کیا اور ان حملوں میں اعلیٰ عسکری قیادت اور سائنسدانوں سمیت 70 سے زائد شہری شہید ہوئے۔

ایران نے گزشتہ شب جوابی حملہ کیا اور اسرائیل پر بیلسٹک میزائلوں کی بارش کی جس کے نتیحے میں متعدد عمارتیں تباہ، 4 اسرائیلی ہلاک اور 91 زخمی ہوگئے۔