عالمی شہرت یافتہ میوزک ڈائریکٹر نثار بزمی کو خراج عقید ت پیش کرنے کے لئے پُروقار تقریب کا انعقاد

لاہور: الحمراء میں عالمی شہرت یافتہ معروف میوزک ڈائریکٹر نثار بزمی کو خراج عقید ت پیش کرنے کے لئے پُروقار تقریب کا انعقاد کیا گیا۔

 پروگرام میں نامور گلوکار انور رفیع، غلام عباس، سائرہ نسیم،عذرا جہاں، تنویر آفریدی،جوہر علی،پپو سمراٹ، سافی علی گلفام عباس، رخسان آر کے ودیگر نے پرفارم کیا۔

  تقریب میں نثار بزمی کی زندگی پر تیار کی گئی ڈاکو منٹری دیکھائی گئی،نثار بزمی نے بلاشبہ ایک ادارہ کی حیثیت رکھتے ہیں،انھوں نے اپنے فن سے لگن کا حق ادا کردیا۔

 استاد حامد علی خاں نے غزل اور سدا بہار گیتوں کے ذریعے خوب سر بکھیرے جسے حاضرین نے بے حد پسند کیا۔

معروف گلوکارہ ترنم ناز اور دیگر نے نثار بزمی کے خوب صورت گیتوں کو اپنے انداز میں پیش کر کے خوب داد وصول کی ،تقریب میں شریک افراد کا کہنا تھا کہ نثار بزمی فن موسیقی کا ایسا ستارہ ہیں جو ہمیشہ چمکتا دمکتا رہے گا۔