معروف ٹک ٹاکر پیاری مریم انتقال کر گئیں

اسلام آباد:معروف ٹک ٹاکر پیاری مریم مبینہ طور پر بچے کی پیدائش کے بعد پیدا ہونے والی طبی پیچیدگیوں کے باعث انتقال کر گئی ہیں،اس افسوسناک خبر کی تصدیق ان کے شوہر نے کی ہے۔

مریم کے انسٹاگرام سے شئیر کی گئی اسٹوری میں ان کے انتقال کی خبر دی گئی ہے۔ انسٹا اسٹوری میں کہا گیا ہےکہ پیاری مریم اللہ کو پیاری ہو گئیں ہیں۔

اہلِ خانہ نے کہا ہے کہ وہ اس غمناک نقصان کے بعد شدید صدمے اور اذیت سے دوچار ہیں،مرحومہ کے شوہر نے عوام اور میڈیا سے اپیل کی ہے کہ مشکل وقت میں خاندان کی پرائیویسی کا احترام کیا جائے اور انہیں سوگ منانے کے لیے مناسب وقت دیا جائے۔

خیال رہے کہ ٹک ٹاکر پیاری مریم اپنی دلکش شخصیت، مثبت سوچ اور منفرد مواد کے باعث سوشل میڈیا پر لاکھوں مداحوں کی پسندیدہ تھیں۔ 

ٹک ٹاکر پیارِی مریم کی شادی ساتھی انفلوئنسر احسن علی سے ہوئی تھی اور دونوں ایک خوشگوار زندگی گزار رہے تھے۔ وہ اپنے پہلے بچے کے استقبال کے لیے بے حد پُرجوش تھے اور والدین بننے کے نئے سفر کا انتظار کر رہے تھے،لیکن زندگی نے ایک افسوسناک موڑ لے لیا دورانِ زچگی پیچیدگیوں کے باعث مریم کا انتقال ہو گیا۔

دوسری جانب ن کے انتقال کی خبر سامنے آتے ہی سوشل میڈیا مریم کے مداحوں کی جانب سے پر دکھ اور افسوس کے پیغامات کا سلسلہ شروع ہوگیا ہے۔