ملالہ نے کہا کہ امریکی حکومت کے ہاتھ میں بہت کچھ ہے، وہ لوگوں کی زندگیاں بچا سکتے ہیں اور انہیں بچانی چاہیئں، میرا یہ پیغام امریکا کے نام ہے


نوبیل انعام یافتہ سماجی کارکن ملالہ یوسفزئی کا کہنا ہے کہ اسرائیل اور ایران کےدرمیان جو ہورہا ہے یا غزہ میں جو کچھ چل رہا ہےاس میں امریکا کا کردار انتہائی مایوس کن ہے۔
حال ہی میں ملالہ نےبرطانوی اخبار فنانشل ٹائمز لائیو کے بزنس سمٹ میں شرکت کی جہاں انہوں نے اپنی زندگی کی جدوجہد سمیت خواتین کی تعلیم اور ان کےحقوق پر بات کی۔
دوران گفتگو میزبان نےملالہ سے سوال کیا کہ کیا آپ امریکی صدر ڈونلڈ ٹرمپ کو کوئی پیغام دینا چاہیں گی؟ جواب میں ملالہ نے کہا جو کچھ اس وقت دنیا میں چل رہا ہے ہم سب جانتے ہیں، یہاں ابھی بیٹھے ہوئے ہم خواتین اور بزنس کے بارے میں بات کررہےہیں اور سب بہت اچھا لگ رہا ہے لیکن اس کمرے سے باہر جاتے ہی ہم بہت سی پریشانیوں میں گھرے ہوں گےجیسے جو کچھ دنیا میں چل رہا ہے۔
ملالہ نےکہا جو کچھ اسرائیل اور ایران کے درمیان ہورہا ہے یا جو سب غزہ میں چل رہا ہے،یا افغانستان کی خواتین کے ساتھ جو سلوک کیا جارہا ہے، یہ فہرست ایسے ہی جاری رہے گی، اگر ہم امریکا کا ان سب میں کردار دیکھیں تو یہ انتہائی مایوس کن ہے، امریکا کے پاس جو طاقت ہے یاجو وہ اثر رکھتا ہے وہ امن قائم کرنے میں ناکام رہا ہے، امریکا استحکام اور انسانی حقوق کی حفاظت کرنے میں ناکام رہا ہے’۔
انہوں نے مزید کہا ‘میں امید کرتی ہوں کہ امریکا سب سے پہلے افغانستان میں موجود خواتین کے حقوق کے لیے کچھ اقدامات کرے گا اور عالمی سطح پر طالبان پر دباؤ ڈالے گا اور خواتین ایکٹیوسٹ کے ساتھ کھڑا ہوگا، میں امید کرتی ہوں کہ امریکا اسرائیل کی جانب سے غزہ پر کی جانے والی نسل کشی سے متعلق کچھ کرے گا اور اسرائیل کو جنگ بندی پر آمادہ کرے گا’۔
ملالہ کا مزید کہنا تھا کہ امریکی حکومت کے ہاتھ میں بہت کچھ ہے، وہ لوگوں کی زندگیاں بچا سکتے ہیں اور انہیں بچانی چاہیئں، میرا یہ پیغام امریکا کے نام ہے۔
اس کے علاوہ فیکٹ چیک پر بات کرتے ہوئے انہوں نے کہا کہ ‘لوگ فیکٹ چیک کیے بغیر کچھ بھی بولنا اور لکھنا شروع کردیتے ہیں، جیسے میرے بارے میں کہا گیا کہ میں نے غزہ میں ہونے والے مظالم پر بات نہیں کی لیکن ایسا کچھ نہیں تھا، میں کئی مرتبہ غزہ کے لوگوں کے لیے بول چکی ہوں’۔

فیلڈ مارشل سے انڈونیشین وزیر دفاع کی ملاقات ، دفاعی تعاون سمیت علاقائی سیکیورٹی امور پرگفتگو
- 9 گھنٹے قبل

ایل این جی کی قیمتوں میں نمایاں کمی ،نوٹیفکیشن جاری
- 12 گھنٹے قبل

وزیر اعظم کی صدر مملکت سے ملاقات، ملکی سیاسی، معاشی اور سیکیورٹی صورت حال پر تبادلۂ خیال
- 10 گھنٹے قبل

پیٹرولیم مصنوعات کی قیمتوں میں ایک بار پھر اضافہ،نوٹیفکیشن جاری
- 6 گھنٹے قبل

عافیہ صدیقی کیس: وفاقی حکومت نے سپریم کورٹ سے رجوع کر لیا
- 10 گھنٹے قبل

دہشت گردی انسانیت کا مشترکہ مسئلہ ہے، پاکستان ہر قسم کی دہشت گردی کی مذمت کرتا ہے،وزیرخارجہ
- 11 گھنٹے قبل

پی ٹی آئی رہنما یاسمین راشد طبیعت خراب ہونے پر اسپتال منتقل
- 8 گھنٹے قبل

حالیہ بارشوں اور آندھی سے پنجاب میں 10 افراد جاں بحق، 92 شدید زخمی
- 7 گھنٹے قبل

محکمہ ریلوے کا مزید 11 ٹرینیں پرائیوٹ کرنے کا فیصلہ
- 12 گھنٹے قبل

جنرل ساحر شمشاد مرزا کی پیپلز لبریشن آرمی کے98 ویں یوم تاسیس کی تقریب میں شرکت
- 7 گھنٹے قبل

لیجنڈری بالی وڈ اداکار دھیرج کمار 79 سال کی عمر میں چل بسے
- 12 گھنٹے قبل

وزیراعظم سے انڈونیشین وزیر دفاع کی ملاقات،تمام شعبوں میں تعاون بڑھانے پر اتفاق
- 12 گھنٹے قبل