آئینی بینچز کی مدت میں توسیع کردی گئی

جوڈیشل کمیشن نے جسٹس امین الدین خان  اور دیگر آئینی بینچز کی مدت میں  توسیع کی منظوری دے دی۔

ذرائع کے مطابق چیف جسٹس پاکستان یحییٰ آفریدی کی زیر صدارت جوڈیشل کمیشن کا اجلاس ہوا جس میں جسٹس امین الدین خان اور دیگر آئینی بینچز کی مدت میں 30 نومبر تک توسیع کی منظوری دی گئی۔

واضح رہے کہ جسٹس امین الدین خان کو بطور سربراہ آئینی بینچ مزید 6 ماہ کے لیے مقرر کیا گیا تھا۔اس سے قبل دسمبر 2024 میں جوڈیشل کمیشن نے آئینی بینچ کو 6 ماہ کے لیے توسیع دی تھی۔

سندھ ہائیکورٹ کے آئینی بینچ میں تبدیلی کی گئی ہے۔ جسٹس آغا فیصل کی جگہ جسٹس عدنان اقبال کو آئینی بینچ میں شامل کرلیا گیا ہے اسی طرح جسٹس ثنا اکرم کی جگہ جسٹس جعفر آئینی بینچ میں شامل ہوئے ہیں۔جوڈیشل کمیشن نے تمام ہائیکورٹس کے آئینی بینچز کی مدت میں بھی 6 ماہ کی توسیع کردی ہے۔