نائب وزیراعظم کا ملکی برآمدات کے فروغ کیلئے اقدامات کا عزم

نائب وزیراعظم اسحق ڈار نے ملک میں صنعتی ترقی پر توجہ مرکوز کرتے ہوئے اور کاروبار دوست ماحول کے فروغ کے ذریعے برآمدات کی ترقی کیلئے حکومت کے پختہ عزم کا اعادہ کیا ہے۔

انہوں نے یہ بات پاکستان سٹیل ملز کی جگہ پر کراچی انڈسٹریل پارک کیلئے قائم کمیٹی کی تجاویز کے جائزہ اجلاس کی صدارت کرتے ہوئے کہی۔

اجلاس میں پاکستان سٹیل ملز کی سائٹ کو جدید صنعتی مرکز میں تبدیل کرنے پر تبادلہ خیال کیا گیا۔

نائب وزیراعظم نے صنعتی پارکس کے قیا م پر کام تیز کرنے کی ضرورت پر زور دیا۔مقامی اور غیرملکی سرمایہ کاری میں اضافے کیلئے اسے بین الاقوامی معیارات سے ہم آہنگ کرنے کی اہمیت کو اجاگر کیا۔