پی ٹی وی اصلاحاتی منصوبے کو مزید آگے بڑھائیں گے۔ عطااللہ تارڑ

اسلام آباد:وفاقی وزیراطلاعات و نشریاست عطااللہ تارڑ نے کہا ہے کہ پی ٹی وی فیس سے متعلق حالیہ فیصلے کے بعد پی ٹی وی کے ناظرین اور ملازمین کو یقین دلاتے ہیں کہ قومی نشریاتی ادارے کا عظیم ورثہ ہمارے لیے باعثِ فخر ہے۔

سماجی رابطے کی ویب سائٹ ایکس پر جاری اپنے پیغام میںوفاقی وزیر اطلاعات و نشریات عطا تارڑنے کہا کہ ملازمین کو یقین دلاتے ہیں کہ قومی نشریاتی ادارے کا عظیم ورثہ ہمارے لیے باعثِ فخر ہے،انشاء اللہ ہمارا مستقبل بھی تابناک ہوگا، خدا کے فضل سے ہم پی ٹی وی میں نئے معیار قائم کریں گے۔

 انہوں نے مزید کہا کہ ادارے کی بہتری کے لیے جاری اصلاحاتی منصوبے کو مزید آگے بڑھائیں گے، ناظرین اور ملازمین کے حقوق کا مکمل تحفظ یقینی بنایا جائے گا۔