ا مریکا ناقابل اعتبار ہے اس پر بھروسہ نہیں کیا جا سکتا،سربراہ ایرانی عدلیہ

تہران: ایرانی عدلیہ کے سربراہ نے کہا کہ امریکا ناقابل اعتبار ہے اس پر پر بھروسہ نہیں کیا جا سکتا۔

ایرانی میڈیا کے مطابق سربراہ ایرانی عدلیہ کا کہنا ہے کہ امریکا ناقابل اعتبار ہے اس پر پر بھروسہ نہیں کیا جا سکتا،ان کا کہنا تھا کہ اس حوالے سے ایرانی سپریم لیڈرآیت اللہ خامنہ ای پہلے ہی خبردار کر چکے ہیں۔

سربراہ ایرانی عدلیہ نے مزید کہا کہ ٹرمپ اپنی شخصیت کی قدر نہیں کرتے، ہر لمحہ خود سے متضاد بات کرتے ہیں، دشمن دھوکہ دہی سے دوبارہ مؤقف بدل سکتا ہے۔

دوسری جانب ایرانی وزارت خارجہ نے مغرب پر شدید تنقید کرتے ہوئے کہا ہے کہ یورپی ممالک نے اسرائیلی حملے کی مذمت کے بجائے جواز پیش کئے، سفارتی کوششوں کو سبوتاژ کرنے میں مغربی ممالک بھی شریک ہیں۔

ایرانی وزارت خارجہ نے دعویٰ کیا کہ امریکا نے جنگ بندی کی پیشکش ایک عرب ملک کے ذریعے کی، امریکا اور اسرائیل کے اقدامات نے سفارت کاری کو تباہ کیا، ایرانی عوام کا اعتماد بحال کرنا امریکا اور اسرائیل کی ذمہ داری ہے۔

علاوہ ازیں فرانسیسی وزارت خارجہ نے ایران کو ہدایت کی کہ آئی اے ای اے اہلکاروں کی حفاظت یقینی بنائے، جوہری ادارے کے سربراہ رافائل گروسی کو دھمکیاں ملنا قابل تشویش ہیں، ایران عالمی جوہری ادارے کے عملے کی سلامتی کو خطرے میں نہ ڈالے۔