سینیٹ انتخابات: خیبرپختونخوا میں 21 جولائی کو پولنگ، 16 امیدوار جنرل نشستوں پر میدان میں

پشاور: خیبرپختونخوا سے سینیٹ کی نشستوں پر انتخاب کے لیے پولنگ 21 جولائی کو صوبائی اسمبلی میں ہوگی، الیکشن کمیشن نے باقاعدہ طور پر امیدواروں کی حتمی فہرست جاری کر دی ہے۔

الیکشن کمیشن کے مطابق 27 مارچ 2024 کو مرتب کی گئی امیدواروں کی فہرست کو ہی حتمی تصور کیا جائے گا اور اب سینیٹ انتخابات کے لیے نئے کاغذاتِ نامزدگی وصول نہیں کیے جائیں گے۔

جاری کردہ فہرست کے مطابق:

7 جنرل نشستوں کے لیے 16 امیدوار میدان میں ہیں , 2 خواتین نشستوں پر 4 امیدوار ، 2 ٹیکنوکریٹ نشستوں پر 6 امیدوار انتخابی دوڑ میں شامل ہیں ۔ 

پارٹی پوزیشن کے لحاظ سے جنرل نشستوں پر پیپلز پارٹی، جمعیت علمائے پاکستان (جے یو پی)، اور مسلم لیگ (ن) کے ایک، ایک امیدوار شامل ہیں ۔ 

ٹیکنوکریٹ سیٹ پر بھی جے یو پی کا ایک امیدوار مقابلے میں ہے ، خواتین کی نشست کے لیے پیپلز پارٹی کی ایک امیدوار بھی میدان میں ہے

الیکشن کمیشن نے 4 جولائی کو انتخابی شیڈول جاری کیا تھا جس کے مطابق پولنگ 21 جولائی کو خیبرپختونخوا اسمبلی میں ہو گی۔