ملک کی چاروں ہائیکورٹس میں نئے چیف جسٹسز کی تعیناتی، نوٹیفکیشنز جاری

اسلام آباد: ملک کی چار اعلیٰ عدالتوں میں نئے چیف جسٹسز کی تعیناتی کا عمل مکمل کر لیا گیا ہے۔ صدرِ مملکت آصف علی زرداری کی منظوری کے بعد وزارت قانون و انصاف نے باقاعدہ نوٹیفکیشنز جاری کر دیے۔

 اسلام آباد ہائیکورٹ کے لیے جسٹس سرفراز ڈوگر، پشاور ہائیکورٹ کے لیے جسٹس ایس ایم عتیق شاہ، بلوچستان ہائیکورٹ کے لیے جسٹس روزی خان اور سندھ ہائیکورٹ کے لیے جسٹس جنید غفار کو چیف جسٹس مقرر کیا گیا ہے۔

ان تقرریوں کی سفارش جوڈیشل کمیشن آف پاکستان نے کی تھی، جسے اب باضابطہ منظوری کے بعد قانونی شکل دے دی گئی ہے۔

یہ تعیناتیاں ملکی عدالتی نظام میں تسلسل، قیادت کی تبدیلی اور اعلیٰ عدلیہ میں انتظامی معاملات کے تسلیم شدہ عمل کا حصہ سمجھی جا رہی ہیں۔