190 ملین پاؤنڈکیس :بانی پی ٹی آئی اور اہلیہ کی سزا معطلی کی درخواستوں پر جلد سماعت کرنے کی استدعا

راولپنڈی:بانی پی ٹی آئی عمران خان اور ان کی اہلیہ بشریٰ بی بی نےاسلام آبادہائیکورٹ میں 190 ملین پاؤنڈز کیس کی جلد سماعت کے لیے درخواستیں دائر کر دیں۔

تفصیلات کے مطابق بانی پی ٹی آئی اور اہلیہ کی جانب سے اسلام آباد ہائیکورٹ میں بیرسٹر سلمان صفدر کے ذریعے دائر درخواستوں میں استدعا کی گئی ہے کہ سزا معطلی کی درخواستوں پر جلد سماعت کی جائے ۔ 17 جنوری کو سزا ہوئی 27 جنوری کو اپیل دائر کر دی  تھی۔

دائرکر دہ درخواستوں میں کہا گیا ہے کہ 15 مئی کو سزا معطلی درخواستوں پر پہلی سماعت ہوئی ۔ نیب کیس لٹکانے کے لیے بار بار التوا مانگ رہا ہے۔

درخواست میں مزید کہا گیا ہے کہ عدالت سے گزشتہ سماعت پر بھی کیس جلد مقرر کرنے کی استدعا کی گئی یقین دہانی کے باوجود سزا معطلی کی درخواستیں جلد مقرر نہیں ہوئیں۔

درخواست میں استدعا کی گئی کہ عدالت سزا معطلی کی دونوں درخواستیں جلد سماعت کے لیے مقرر کرنے کا حکم دے۔