حکومت کا گوادر بندرگاہ جلد از جلد فعال کرنے کیلئے جامع منصوبہ تیار کرنے کا فیصلہ

اسلام آباد: وفاقی حکومت نے گوادر بندرگاہ کو جلد از جلد فعال کرنے کیلئے جامع منصوبہ تیار کرنے کا فیصلہ کیاہے۔

تفصیلات کے مطابق وزارت خارجہ کو گوادر سے عمان زیر سمندر سرنگ کے ذریعے خلیجی تعاون کونسل اور جنوبی ایشیا کو جوڑنے کیلئے 4 ملکی کنسورشیم پر فزیبلٹی سٹڈی شروع کرنیکی ہدایت کی گئی ہے۔

وفاقی وزیر منصوبہ بندی احسن اقبال نے متعلقہ حکام کو ہدایت کی کہ گوادر بندرگاہ کو بین الاقوامی روڈ شوز میں بطور اسٹریٹجک تجارتی مرکز اجاگر کیا جائے جو خلیج اور وسطی ایشیا کو جوڑتا ہے۔