سابق صدر ممنون حسین علالت کے باعث انتقال کرگئے

تفصیلات کے مطابق ممنون حسین کے صاحبزادے   ارسلان ممنون نے تصدیق کی ہے کہ  سابق صدر ممنون حسین علالت کے باعث انتقال کرگئے ہیں ۔ ممنون حسین دو ہفتوں سے نجی اسپتال میں زیر علاج تھے۔ ارسلان ممنون کا کہنا ہے کہ  والد کینسر کے عارضے میں مبتلہ تھے ۔

خیال رہے کہ ممنون حسین  کی81 سال عمر تھی، ممنون حسین کامسلم لیگ(ن)سے تعلق تھا۔مرحوم نے جامعہ کراچی اور آئی بی اے سے تعلیم حاصل کی ۔ ممنون حسین23 دسمبر 1940 کو آگرہ میں پیدا ہوئے تھے۔

ممنون حسین2103 سے 2018 تک پاکستان کے 12 ویں صدر رہے ہیں  جبکہ ممنون حسین 1999 میں گورنر سندھ بنےتھے۔

 گورنر سندھ عمران اسمعیٰل نے سابق صدر پاکستان ممنون حسین کے انتقال پر ایک تعزیتی پیغام میں مرحوم کی مغفرت کی دعا کی ہے۔

گورنر سندھ کا کہنا ہے کہ  اللہ تبارک و تعالی مرحوم کے درجات کو بلند فرمائے اور اللہ ربالعزت پسماندگان کو صبر جمیل عطا فرمائے۔