لاہور: شہر کے مختلف حصوں میں تیز بارش

تفصیلات کے مطابق لاہور سمیت ملک کے مختلف شہروں میں بارش ہوئی ہے۔ جس کے باعث  کمشنر لاہور کیپٹن محمد عثمان نے تمام محکموں کو احکامات جاری کر دئیے اور ہنگامی حالات سے نمٹنے کے لیے مختلف محکموں کو تیار رہنے کی ہدائیت کی گئی ہے ۔ شہر کے مختلف حصوں میں نصب واسا سمارٹ کونز کے ڈیٹا پر گہری نظر رکھی جائے، ڈسپوزل اسٹیشنز مکمل فعال ہیں۔ سٹاف مکمل چوکس رہے۔ شہرمیں قائم مون سون ہنگامی مراکز کو درکار مشینری فوری طور پر مہیا ہونی چاہئیے۔

کمشنر لاہور نے مزید احکامات جاری کرتے ہوئے کہاہے کہ انڈرپاسز پر سٹاف الرٹ ہونا چاہئیے، یونیفارم سٹاف تمام پوائنٹس پر موجود رکھا جائے،رات کے وقت بھی تمام سورنگ پوائنٹس پر واسا اہلکار اور افسران موجود رہیں گے۔

دوسری جانب  کراچی مون سون کے پہلے اسپیل سے شہر کے مختلف علاقوں میں پانچ بجے سے اب تک گلشن حدید اور پی اےایف مسرور اور جناح ٹرمینل میں 2ملی میٹربارش ریکارڈ کی گئ ہے ۔

یونیورسٹی روڈ پر 1.6ملی میٹر،پی اے ایف بیس فیصل میں 1.1ملی میٹر ریکارڈ کی گئ ہے جبکہ اولڈ ائیرپورٹ میں 0.7 ملی میٹربارش ریکارڈ ہوئی ہوئی ہے ۔