کورونا کی بھارتی قسم خطے میں تباہی کا باعث بن رہی ہے، عوام ایس اوپیز پر عمل کریں : اسد عمر

تفصیلات کے مطابق  وفاقی وزیر منصوبہ بندی اور سربراہ این سی او سی اسد عمر نے سماجی رابطے کی ویب سائٹ ٹوئٹر پر ایک بیان میں کہا  ہے کہ کورونا کے مریضوں میں تیزی سے اضافے کے باعث اسپتالوں پر بوجھ بڑھنے لگا ہے ۔   کورونا وائرس کی بھارتی قسم خطے میں تباہی کا باعث بن رہی ہےاور  کورونا کے تشویشناک مریضوں کی تعداد بھی بڑھ رہی ہے۔اسد عمر  نے عوام سے اپیل کی کہ کورونا ایس او پیز پر عمل کریں اور ویکسی نیشن کرائیں، اپنی اور دوسروں کی زندگیوں کو خطرات میں نہ ڈالیں۔

Rapid build up starting to take place in covid patients hospital inflow, as well as patients in critical care. This indian variant has caused devastation in countries in the region. Please follow sop's and get vaccinated as soon as possible. Do not risk your own & others lives.

— Asad Umar (@Asad_Umar) July 15, 2021

دوسری جانب سندھ میں کورونا  جس کے بعد پابندیاں اور بندشیں بھی دوبارہ لگادی گئی ہیں، صوبے میں ریسٹورنٹس کے اندر کھانا بند، پبلک ٹرانسپورٹ پچاس فیصد مسافروں کے ساتھ چلے گی، سنیما ہالز بھی کھلنے سے پہلے ہی بند کردیئے گئے ہیں۔

واضح رہے کہ ملک میں کورونا کیسز کے پھیلاؤ میں مزید اضافہ ہوا ہے اور مثبت کیسز کی شرح 5 فیصد سے تجاوز کر گئی ہے۔نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید47فراد چل بسے جبکہ2545 کیسز رپورٹ ہوئے ہیں۔ ملک میں  اموات کی مجموعی تعداد22 ہزار689ہوگئی ہے،جبکہ  متاثرہ افراد کی مجموعی تعداد 9لاکھ81ہزار392ہوگئی ہے ۔