ایلون مسک کا بچوں کیلئے مخصوص اور دوستانہ مواد اے آئی چیٹ متعارف کرانے کا اعلان

دنیا کے امیر ترین شخص اور ٹیسلا سربراہ ایلون مسک کی جانب سے بچوں کیلئے مخصوص اور دوستانہ مواد اے آئی چیٹ متعارف کرانے کا اعلان کیا گیا ہے۔

غیر ملکی میڈیا رپورٹس کے مطابق ایلون مسک نے ’بے بی گروک‘ نامی اے آئی چیٹ بوٹ کا اعلان ایکس (سابقہ ٹوئٹر) پر کیا ہے۔

اگرچہ مسک نے اس منصوبے کی مزید تفصیلات ظاہر نہیں کیں، لیکن اس اعلان نے خاصی توجہ حاصل کی ہے۔

We’re going to make Baby Grok @xAI, an app dedicated to kid-friendly content

— Elon Musk (@elonmusk) July 20, 2025

گزشتہ برس 23 مئی کو ایلون مسک نے خبردار کیا تھا کہ سوشل میڈیا کا بڑا حصہ بچوں کے لیے نقصان دہ ہے، کیونکہ سوشل میڈیا اے آئی کے درمیان ڈوپامین (Dopamine) کو زیادہ سے زیادہ کرنے کی دوڑ لگی ہوئی ہے۔

انہوں نے والدین پر زور دیا تھا کہ وہ بچوں کو نظر آنے والے سوشل میڈیا مواد کی مقدار محدود کریں، کیونکہ ان کا ذہن ایسے اے آئی کے ذریعے پروگرام ہو رہا ہے جو صرف ڈوپامین کو بڑھانے پر مرکوز ہے۔

ڈوپامین (Dopamine) ایک کیمیائی مادہ (neurotransmitter) ہے جو ہمارے دماغ میں پیغامات بھیجنے اور وصول کرنے میں اہم کردار ادا کرتا ہے۔ اسے اکثر ”خوشی کا ہارمون“ یا ”انعام دینے والا کیمیکل“ کہا جاتا ہے کیونکہ یہ ہمیں خوشی، اطمینان، اور انعام جیسے احساسات دلاتا ہے۔