آئی سی سی رینکنگ جاری ،روسٹن چیز آل راؤنڈرز سمیت کئی کھلاڑی سر فہرست

ویسٹ انڈیز کے آل راؤنڈر روسٹن چیز نےآسٹریلیا کے خلاف دو میچز میں 76 رنز کی کارگردگی دکھا کر کیرئیر کی بہترین دوسری پوزیشن حا صل کر لی ہے۔ 

تفصیلات کے مطابق انٹر نیشنل کرکٹ کو نسل (آئی سی سی) نے ٹی ٹو ئنٹی کھلاڑیوں کی تازہ ترین رینکنگ جاری کر دی ہے، جس میں ویسٹ انڈیز، بنگلہ دیش اور پاکستان کے کئی کھلاڑیوں نے شاندار کارگردگی کے باعث نمایاں ترقی حاصل کی ہے۔ 

دوسری طرف اسی ٹیم کے شائی ہوپ نے بھی 55 رنز کی اننگز کھیل کر بلے بازوں کی فہرست میں دسواں نمبر حاصل کر لیا۔ 
آسٹریلیا کے مچل مارش تین درجہ بہتری سے 23 ویں ، جبکہ ویسٹ انڈیز کےبرینڈن کنگ چار درجے ترقی سے 30 ویں نمبر پرآ گئے ہیں۔ 

بنگلہ دیش کے تنزید حسن 18 ویں درجے بہتری سے 37 ویں اور توحید ہردوئے دو درجے بہتری کے ساتھ 39 ویں پوزیشن پر آ گئے۔ 

پاکستانی اوپنر فخر زمان آٹھ درجے بہتری کے ساتھ 79 ویں نمبر پر موجود ہیں، جبکہ اسپنر ابرار احمد 12 درجے ترقی کے ساتھ 49 ویں پوزیشن پر آ گئے ہیں اور آسٹریلیا کے کیمرون گرین 34 درجے ترقی سے 88ویں پوزیشن پر ہیں۔ 
بولنگ میںبنگلہ دیش کے مستفیض الرحمان 17 درجے ترقی سے نویں، مہدی حسن 16ویں، تنزیم حسن ساکیب37 ویں اور شرف الاسلام 43 ویں نمبر پر پہنچے۔