خیبرپختونخواہ سینیٹ الیکشن : کامیاب امیدواروں کا نوٹیفیکیشن جاری، 6پی ٹی آئی اراکین آزاد قرار

الیکشن کمیشن نے خیبرپختونخوا سے سینٹ انتخابات میں کامیاب ہونے والے ارکان کا باضابطہ نو ٹیفیکیشن جاری کر دیا ۔ 

تفصیلات کے مطابق  الیکشن کمیشن کی طرف سے جاری کردہ فہرست میں پاکستان تحریک انصاف(پی ٹی آئی) کے حمایت یافتہ 6 امیدواروں کو آزاد امیدوار قرار دے دیا گیا۔ 

جے یو آئی اور پاکستان پیپلز پارٹی کے 2، جبکہ مسلم لیگ (ن) کے ایک سینیٹر کی کامیابی کا بھی نو ٹیفیکیشن جاری کیا گیا۔ 
جن سینیٹرز کی کامیابی کا اعلان کیا گیا ان میںروبینہ ناز، پیپلز پارٹی کےطلحہ محمود اور روبینہ خالد، آزاد رکن اعظم خان سواتی ، نور الحق قادری ، فیصل جاوید، مراد سعید، مرزا محمد آفریدی کا نو ٹیفیکیشن جاری کیا گیاہے۔ 

نوٹیفکیشن کے مطابق جے یو آئی کےمولانہ عطاالحق درویش اور دلاور خان جبکہ ن لیگ کے نیاز احمد کامیاب قرار پائے ہیں۔
الیکشن کمیشن کے مطابق نو منتخب سینیٹرز جلد حلف اٹھائیں گے اور ان کی آئینی مدت اپریل 2030 میں مکمل ہو گی۔