ایشیا کپ کے حوالے سے بڑی خبر،بھارتی بورڈ کو پاکستان کے ساتھ کھیلنے کی اجازت مل گئی 

نیو دہلی: ایشیا کپ 2025 کے حوالے سے اہم پیشرفت سامنے آئی ہے، بھارتی وزارت خارجہ نے بالا آخر بھارتی کرکٹ بورڈ (بی سی سی آئی) کو گرین سگنل دے دیا ہے، جس کے بعد بھارتی کرکٹ ٹیم کے پاکستان میں میچ کھیلنے کی راہ ہموار ہو گئی ہے۔

 بھارتی میڈیا کے مطابق اگلے 48 گھنٹوں کے دوران ایونٹ کا باقاعدہ شیڈول جاری کیے جانے کا قوی امکان ہے۔

 میڈیارپورٹس کے مطابق بھارت، پاکستان اور بنگلہ دیش کے درمیان کچھ اختلافات موجود تھے جو اب خوش اسلوبی سے حل کر لیے گئے ہیں، جس کے بعد ٹورنامنٹ پلان کی راہ میں حائل بڑی رکاوٹیں دور ہو گئی ہیں۔

خیال رہے کہ رواں سال ایشیا کپ  8 سے 28 ستمبر تک منعقد ہوگا، جس میں پہلے گروپ اسٹیج اور پھر سپر فور مرحلہ کھیلا جائے گا۔ 

 ایونٹ میں آٹھ ٹیمیں حصہ لیں گی جن میں پاکستان، بھارت، سری لنکا، بنگلہ دیش، افغانستان، متحدہ عرب امارات، عمان اور ہانگ کانگ شامل ہیں۔

ممکنہ وینیو
ذرائع کے مطابق متحدہ عرب امارات اور ابوظہبی ایشیا کپ کی میزبانی کے لیے مضبوط امیدوار کے طور پر سامنے آئے ہیں۔