الیکشن کمیشن نے مشعال یوسفزئی کی بطور سینیٹر کامیابی کا نوٹیفکیشن جاری کر دیا

اسلام آباد: الیکشن کمیشن آف پاکستان (ای سی پی ) نے پاکستان تحریک انصاف کی رہنما مشعال یوسفزئی کی بطور سینیٹر کامیابی کا نوٹیفکیشن جاری کر دیا۔

 تفصیلات کےمطابق الیکشن کمیشن آف پاکستان نے خیبرپختونخوا سے خواتین کی مخصوص نشست پر مشعال یوسفزئی کی بطور سینیٹر کامیابی کا باضابطہ نوٹیفکیشن جاری کر دیا۔

جاری کر دہ نوٹیفکیشن کے مطابق مشعال یوسفزئی سینیٹر ثانیہ نشتر کی خالی نشست پر منتخب ہوئی ہیں۔

 الیکشن کمیشن کے مطابق ان کی مدتِ سینیٹ 11 مارچ 2027 تک ہو گی۔ اس سلسلے میں الیکشن کمیشن نے سینیٹ سیکرٹریٹ کو بھی باضابطہ طور پر آگاہ کر دیا ہے۔

ذرائع کے مطابق مشعال یوسفزئی آئندہ اجلاس میں بطور سینیٹر حلف اٹھائیں گی۔ ان کی کامیابی کے بعد سینیٹ میں خیبرپختونخوا سے خواتین کی مخصوص نشست مکمل ہو گئی ہے۔

خیال رہے کہ علیمہ خان نے مشعال یوسفزئی کے سینیٹر منتخب ہونے پریہ کہتے ہوئے اعتراض کیا تھا کہ مشعال یوسفزئی کے علاوہ بھی کئی قابل اور اہل امیدوار موجود تھے، سینیٹرز کا انتخان خالصا میرٹ پر ہونا چاہیے۔