Advertisement
پاکستان

جنرل باجوہ کو ایکسٹینشن دینا بڑی غلطی تھی، قوم سے معافی مانگتا ہوں: اسد قیصر

اسلام آباد میں ایک مشترکہ پریس کانفرنس سے خطاب کرتے ہوئے اسد قیصر، محمود خان اچکزئی اور سابق گورنر سندھ محمد زبیر نے مختلف قومی امور پر گفتگو کی

GNN Web Desk
شائع شدہ ایک سال قبل پر اگست 10 2025، 8:14 شام
ویب ڈیسک کے ذریعے
جنرل باجوہ کو ایکسٹینشن دینا بڑی غلطی تھی، قوم سے معافی مانگتا ہوں: اسد قیصر

پاکستان تحریک انصاف کے سینئر رہنما اور سابق اسپیکر قومی اسمبلی اسد قیصر نے سابق آرمی چیف جنرل (ر) قمر جاوید باجوہ کو مدتِ ملازمت میں توسیع دینے پر قوم سے معذرت کر لی ہے۔

اسلام آباد میں ایک مشترکہ پریس کانفرنس سے خطاب کرتے ہوئے اسد قیصر، محمود خان اچکزئی اور سابق گورنر سندھ محمد زبیر نے مختلف قومی امور پر گفتگو کی۔

اسد قیصر نے پریس کانفرنس میں کہا کہ جنرل (ر) باجوہ کو ایکسٹینشن دینا ہماری ایک بڑی سیاسی غلطی تھی، اور ہم اس سنگین فیصلے پر قوم سے دل کی گہرائیوں سے معافی مانگتے ہیں۔ ان کا کہنا تھا کہ وہ مستقبل میں کسی ایسے فیصلے کا حصہ نہیں بنیں گے۔

پریس کانفرنس کے دوران سابق گورنر محمد زبیر نے معیشت اور سماجی ترقی سے متعلق تشویش ناک اعداد و شمار بھی پیش کیے۔ ان کے مطابق، اپریل 2022 کے بعد سے اب تک عوام کی قوتِ خرید میں 60 فیصد تک کمی آ چکی ہے، لیکن اس پر کوئی حکومتی نمائندہ بات کرنے کو تیار نہیں۔

محمد زبیر نے کہا کہ پاکستان انسانی ترقی کے عالمی انڈیکس میں 168ویں نمبر پر پہنچ چکا ہے، جبکہ ملک میں دو کروڑ سے زائد بچے اسکولوں سے باہر ہیں۔ انہوں نے مزید کہا کہ پاکستان کا شرح خواندگی (literacy rate) نہ صرف خطے کے دیگر ممالک بلکہ ملائیشیا، بھارت اور بنگلہ دیش سے بھی کم ہے، جو لمحہ فکریہ ہے۔

Advertisement
رجحانات
Advertisement