پاکستان نے فیلڈ مارشل سے متعلق بھارتی وزارتِ خارجہ کے بیان کو مسترد کردیا

اسلام آباد: دفتر خارجہ نے فیلڈ مارشل سید عاصم منیر سے متعلق بھارتی وزیر خارجہ ایس جے شنکر کا بیان سختی سے مسترد کردیا ہے۔

تفصیلات کے مطابق ترجمان دفتر خارجہ کی جانب سےجاری بیان میں کہاگیا ہے کہ بھارتی بیان غیر سنجیدہ اور حقائق کو مسخ کرنے کی بھارتی عادت کا ایک اور مظاہرہ ہے۔

ترجمان دفتر خارجہ کے بقول مبینہ نیوکلیئر بلیک میل کا بھارتی بیانیہ گمراہ کن ہے۔ بھارت بے بنیاد الزامات لگارہا ہے، پاکستان ایک ذمہ دار ایٹمی طاقت ہے، جس کا کمانڈ اینڈ کنٹرول سسٹم مکمل سول انتظام کے تحت ہے، پاکستان ہمیشہ ضبط و احتیاط سے کام لیتا آیا ہے اور ایسے حساس معاملات میں سنجیدگی کا مظاہرہ کرتا رہا ہے پاکستان کی دہشت گردی کے خلاف مسلسل اور مؤثر کوششیں دنیا بھر میں تسلیم شدہ ہیں۔

🔊PR No.2️⃣3️⃣6️⃣/2️⃣0️⃣2️⃣5️⃣

Statement by the Spokesperson Regarding the Statement Made by the Indian Ministry of External Affairs (MEA) https://t.co/juzRRsq964
🔗⬇️ pic.twitter.com/uLeOrTA5xX

— Ministry of Foreign Affairs - Pakistan (@ForeignOfficePk) August 11, 2025

ترجمان نے کہا ہے کہ بھارت ہر مرتبہ جب اس کے سامنے حقائق رکھے جاتے ہیں تو جنگی جنون اور بے بنیاد الزامات کا سہارا لیتا ہے۔
جاری بیان میں ترجمان شفقت علی خان نےمزید کہا کہ ہماری سیکیورٹی فورسز دہشت گردی کے خلاف سب سے بڑی رکاوٹ ہیں، بھارتی وزارتِ خارجہ کے الزامات بے بنیاد اور بغیر کسی ثبوت کے ہیں۔

ترجمان نے تیسرے ملک ممالک کا حوالہ دینے کو بھی افسوسناک قرار دیتے ہوئے کہا کہ یہ بھارت کی سفارتی کمزوری اور غیر ضروری طور پر دیگر ممالک کو ملوث کرنے کی ناکام کوشش ہے۔

شفقت علی خان نے مزید کہاکہ بھارت کے جارحانہ اور جنگی رویے کے برعکس، پاکستان عالمی برادری کا ایک ذمہ دار رکن رہتے ہوئے اپنا کردار ادا کرتا رہے گا تاہم پاکستان کی خودمختاری یا علاقائی سالمیت کی خلاف ورزی کی کسی بھی بھارتی کوشش کا فوری اور مؤثر جواب دیا جائے گا اور اس کے بعد پیدا ہونے والی کشیدگی کی تمام تر ذمہ داری بھارتی قیادت پر عائد ہوگی۔