جسٹس عابد عزیز شیخ لاہور ہائیکورٹ کے قائم مقام چیف جسٹس مقرر

لاہور: جسٹس عابد عزیز شیخ نے لاہور ہائیکورٹ کے قائم مقام چیف جسٹس کے عہدے کا حلف اٹھا لیا۔

تفصیلات کے مطابق حلف برداری کی تقریب لاہور ہائیکورٹ کے ججز لاؤنج میں ہوئی ، جہاں لاہور ہائیکورٹ کے جسٹس شمس محمود مرزا  نے جسٹس عابد عزیز شیخ سے حلف لیا۔

حلف برداری کی تقریب میں لاہور ہائیکورٹ کے ججز ، وفاقی و صوبائی لاء افسران، لاہور ہائیکورٹ کے افسران اور وکلاء بھی شریک ہوئے ۔
تقریب میںحلف اٹھانے پر ججز نے قائم مقام چیف جسٹس عابد عزیز شیخ کو مبارکباد پیش کی۔

واضح رہے کہ چیف جسٹس ہائیکورٹ عالیہ نیلم بین الاقوامی جوڈیشل کانفرنس میں شرکت کے لیے بیرون ملک ہیں ،جن کی غیر موجودگی میں جسٹس عابد عزیز شیخ لاہور ہائیکورٹ کے قائم مقام چیف جسٹس کی حیثیت سے ذمہ داریاں نبھائیں گے۔