کیا ملک میں وی پی این کے استعمال پر پابندی لگائی جا رہی ہے؟ پی ٹی اے کاردعمل سامنے آ گیا

اسلام آباد:پاکستان ٹیلی کمیونیکیشن اتھارٹی ( پی ٹی اے ) نےملک میں ورچوئل پرائیویٹ نیٹ ورک ( وی پی این ) کے استعمال پر پابندی کے حوالوں سے خبروں کی وضاحت کر دی۔

تفصیلات کے مطابق پی ٹی اے نے وی بیان جاری کر تے ہوئے وی پی این کے استعمال پر پابندی کی خبروں کی تردید کر دی۔

یہ انکشاف سینیٹ کی قائمہ کمیٹی برائے انفارمیشن ٹیکنالوجی کے اجلاس کے دوران کیا گیا، جس میں آن لائن رسائی اور ڈیجیٹل پرائیویسی سے متعلق خدشات پر تبادلہ خیال کیا گیا۔

اس حوالے سے پی ٹی اے حکام کا کہنا ہے کہ وی پی اینز کو وسیع پیمانے پر جائز مقاصد کے لیے استعمال کیا جاتا ہے، جن میں محفوظ مواصلات، ڈیٹا کا تحفظ، اور محدود وسائل تک رسائی شامل ہے۔

حکام نے مزید بتایا کہ وی پی این پر مکمل پابندی تکنیکی لحاظ سے مشکل ہے  اور یہ ان کاروباری اداروں کے لیے نقصان دہ ہو گی جو عالمی روابط پر انحصار کرتے ہیں۔

حکام نے مزید بتایا کہ پی ٹی اے نے وی پی اینز پر پابندی لگانے کے بجائے پاکستان کے آئی ٹی ایکو سسٹم کو مضبوط بنانے پر توجہ دینے پر زور دیا۔

دوسری جانب پاکستان سافٹ ویئر ایکسپورٹ بورڈ  نےکمیٹی کو بریفنگ میں بتایا کہ اگرچہ عالمی آئی ٹی مارکیٹ میں پاکستان کا حصہ 0.04 فیصد سے کم ہے تاہم گزشتہ سال برآمدات میں 20 فیصد اضافہ ہوا۔ ترقی کی رفتار کو تیز کرنے کے لیے پی ای ایس بی نے ای روزگار پروگرام کا اعلان کیا۔