علیزے شاہ کی والدہ نے ان کی ناپسندیدہ عادت سے متعلق بتادیا

تفصیلات کے مطابق علیزے شاہ اپنی والدہ کے ہمراہ  نجی ٹی وی چینل کے ایک پروگرام میں شریک ہوئیں ، اداکارہ علیزے شاہ کی والدہ نے میزبان کے سوال پر جواب دیتے ہوئے علیزے کی ناپسندیدہ عادت سے متعلق بتایا۔

میزبان  نے سوال پوچھا کہ علیزے ددھیال اور ننھیال کے مہمانوں میں سے زیادہ کس کو اگنور کرتی ہیں ، اس سوال پر علیزے نے بتایا کہ یہ میرے موڈ  پر منحصر ہے، جس کی وجہ سے میرے خاندان والے بھی باتیں بنا چکے ہیں ۔

اداکارہ کا کہنا تھا کہ دل کرتا ہے تو بلاتی ہوں ، ورنہ نہیں بلاتی لیکن دراصل کبھی کبھی کوئی بات ہو جاتی ہے جس کے باعث آپ ڈسٹرب ہوتے ہیں تو آپ کا دل نہیں کرتا کسی سے بات کرنے کا۔

علیزے شاہ  کا مزید کہنا تھا کہ اب زبردستی تو کسی  کے پاس جاکر بیٹھا تو نہیں جاسکتا اور میں یہ سب نہیں کر سکتی۔