لاہور: لالی وڈ کے معروف فلم رائٹر،اور مصنف ناصر ادیب کے اعزاز میں تقریب

لاہور: لالی وڈ کے معروف فلم رائٹر،اور مصنف ناصر ادیب کے اعزاز میں  تقریب میں تقریب کا انعقاد کیا گیا، جس میں شوبز شخصیات نے   بھرپور شرکت کی اور فلم انڈسٹری کیلئے ناصر ادیب کی خدمات کو خراج تحسین پیش کیا۔ 
تقریب کا اہتمام لاہور کے نجی ہوٹل میں کیا گیا جس میں معروف فلم ڈائریکٹر ہدایتکار سید نور،ذوالفقارعلی، اچھی خان،مسعود بٹ ، صفدرملک اور دیگر شریک ہوئے۔

تقریب میں رائٹر،مصنف ناصر ادیب کی فلم انڈسٹری کیلئے خدمات کو خراج تحسین پیش کیا گیا۔

اس موقع پر فلم انڈسٹری کی شخصیات کا کہنا تھا کہ ناصر ادیب نے اپنی پور ی زندگی فلم انڈسٹری کیلئے وقف کی ان کے تحریر کر دہ ڈائیلاگ ایوان اقتدار کی زینت بنے، چاہے وہ مولا جٹ ہو یا وحشی جٹ   پنجابی  اور اردو فلموں کیلئے انہوں نے جو لکھا کمال لکھا۔

شوبز شخصیات  کا مزید کہنا تھا کہ یہ انڈسٹری کا چمکتا دمکتا ستار ہ ہیں۔

اس موقع پر ناصر ادیب کے اعزاز میں فلم سٹار اور فلم فیڈریشن کے چیئرمین اچھی خان کی جانب سے پرتکلف عشائیہ بھی دیا گیا۔

اس موقع پر ناصر ادیب نے کہا کہ چاہنے والوں کا شکریہ ادا کرتا ہوں میں انڈسٹری سے مایوس نہیں ہوں،، اس کی رونقیں واپس لانے کیلئے ہر فورم پر حاضر ہوں گا۔