بانی پی ٹی آئی کا پارٹی قیادت کو جوڈیشل کمیشن سے بھی مستعفی ہونے کا حکم

راولپنڈی:پاکستان تحریک انصاف( پی ٹی آئی) کے بانی چئیرمین عمران خان نے  پارٹی رہنماؤں کو جوڈیشل کمیشن سے بطور ممبر مستعفی ہونے کا حکم دے دیا۔ 

ذرائع کے مطابق بانی پی ٹی آئی نے جوڈیشل کمیشن میں پارٹی ممبران کی موجودگی کو بے سود قرار دیتے ہوئے انہیں  جوڈیشل کمیشن سے مستعفی ہونے کا حکم دیا ہے۔ 

خیال رہے کہ چیئرمین پی ٹی آئی بیرسٹر گوہر اور سینیٹر علی ظفر بطور پارلیمنٹیرین جوڈیشل کمیشن کا حصہ ہیں اور ذرائع کا کہنا ہے کہ دونوں رہنما آج استعفیٰ دیں گے۔

تاہم دوسری جانب چیئرمین پی ٹی آئی بیرسٹر گوہر خان نے بطور ممبر جوڈیشل کمیشن استعفے کی تردید کردی ہے۔