شدید سیلابی صورتحال کے باعث کوٹ مومن میں تعلیمی ادارے بند

کوٹ مومن: شدید سیلابی صورتحال کے باعث ضلع سرگودھا کی تحصیل کوٹ مومن میںتعلیمی ادارے 7 روز کے لیے بند کر دیئے گئے۔

تفصیلات کے مطابق اس حوالے سےمحکمہ تعلیم کی جانب نوٹیفکیشن جاری کر دیا گیا ہے۔

 جاری کر دہ نوٹیفکیشن کے مطابق سرگودھا کی تحصیل کوٹ مومن میں شدید سیلابی صورتحال کے باعث تعلیمی ادارے 2 ستمبر تک بند رہیں گے۔

سرگودھا کی تحصیل کوٹ مومن میں سیلاب کے خطرے کے پیش نظر تعلیمی ادارے بند رکھنے کا اعلان کیا گیا۔

 انتظامیہ کے مطابق یہ فیصلہ بچوں کی حفاظت کے لیے کیا گیا ہے تاکہ کوئی نقصان نہ ہو۔

خیال رہے کہ اس وقت پنجاب میں دریائے ستلج، دریائے راوی (Ravi River) اور دریائے چناب میں شدید سیلاب کی صورتحال ہے۔ اور اطراف کے کئی دیہات پانی میں ڈوب چکے ہیں۔ جس کی وجہ سے ہزاروں ایکڑ فصلیں بھی تباہ ہو گئیں۔

 حکومت پنجاب نے سیلاب کے باعث کئی اضلاع میں ایمرجنسی بھی نافذ کر تے ہوئےفوج کو طلب کر لیا ہے ،پاک فوج سول انتظامیہ کے ساتھ مل کر سیلاب سے متاثرہ علاقوں میں ریلیف اور ریسکیو آپریشن میں مصروف ہیں۔

واضح رہے کہ بھارت کی جانب سے دریاؤں میں بغیر اطلاع پانی چھوڑنے کے باعث سیلاب کی صورتحال پیدا ہوئی۔