ڈسکہ میں پاک فوج کا بروقت ریلیف اور ریسکیو آپریشن، سکھ برادری کا فیلڈ مارشل سے اظہار تشکر

ڈسکہ:پاک فوج نےسیالکوٹ کی تحصیل ڈسکہ میں ریسکیو آپریشن کے دوران سکھ برادری کے درجنوں افراد کو محفوظ مقام پر منتقل کر دیا ہے۔ 

تفصیلات کے مطابق سیلاب نے پنجاب کے بیشتر علاقوں خصوصاً سیالکوٹ کو شدید متاثر کیا ہے،  پاک فوج کا صوبے کے سیلاب سے متاثرہ علاقوں میں ریسکیو اور ریلیف آپریشن جاری ہے۔

پاک فوج کے جوانوں نے فوری ریلیف اور ریسکیو آپریشن کرتے ہوئے سکھ برادری کو بھی محفوظ مقامات پر منتقل کیا، اب تک پاک فوج کی جانب سے سکھ برادری کے 96 افراد کو ریسکیو کرکے محفوظ مقام پر پہنچایا گیا ہے۔

دوسری جانب سکھ برادری کے افراد نے پاک فوج کی بروقت امدادی کاروائیوں کو سراہا، اور اقدامات کی تعریف کی۔

سکھ برادری کے افراد کا کہنا تھا کہ ’’جب بھی ہم پر مشکل گھڑی آئی ہے ہماری پاک فوج ہمارے ساتھ کھڑی رہی ہے جس کیلئے ہم اس کے شکرگزار ہیں"۔

سکھ شہری نے کہا کہ میں بروقت ریسکیو اور ریلیف آپریشن پر آرمی چیف صاحب کا خصوصی طور پر شکریہ ادا کرتا ہوں، ہماری مقدس کتاب جو بابا گورننک میں موجود ہے اس کیلئے ہیلی کاپٹر تک بھجوایا گیا مگر وہ محفوظ ہے۔

خیال رہے کہ شدید سیلابی صورتحال کے پیش نظر پاک فوج سول انتظامیہ کے شانہ بشانہ متاثرہ علاقوں میں امدادی کارروائیاں جاری رکھے ہوئے ہے۔