سونے کی قیمت میں مسلسل چوتھے روز اضافہ،فی تولہ کتنے کا ہو گیا؟

کراچی :عالمی و مقامی مارکیٹوں میں سونے کی قیمت میں مسلسل اضافہ دیکھنے میں آرہا ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے آخری روز مقامی مارکیٹوں میں سونے کی قیمت میں 1200 روپےکا اضافہ ریکارڈ کیا گیا ہے جس کے بعد سونے کی فی تولہ قیمت 3لاکھ63 ہزار700 روپے ہوگئی ہے۔

اسی طرح  10 گرام سونے کی قیمت میں بھی 943 روپےکا اضافہ ریکارڈ کیا گیا جس کے بعد سونے کی نئی قیمت 3لاکھ11ہزار814 روپے ہوگئی ہے۔

دوسری جانب عالمی بلین مارکیٹ میں سونے کی قیمت میں 12 ڈالرکا اضافہ ہو ا جس کے بعد عالمی مارکیٹ میں سونے کی نئی قیمت 3411 ڈالر فی اونس ہو گئی ہے۔

خیال رہے کہ گزشتہ روز سونے کی فی تولہ قیمت میں 900 روپے کا اضافہ ریکارڈ کیا گیا تھا۔